Monday, November 22, 2010

ഐ.സി.എഫ് മെമ്പർഷിപ്പ് വിതരണം സൌദിയിൽ

ജിദ്ദ: സമസ്ത കേരള സുന്നി യുവജന സംഘം പ്രവാസി ഘടകങ്ങളെ ഏകോപിപ്പിച്ച്‌ രൂപീകൃതമായ ഇസ്ലാമിക്‌ കൾച്ചറൽ ഫൗണേ‍്ടഷൻ ഓഫ്‌ ഇന്ത്യ (ഐ.സി.എഫ്‌) മെമ്പർഷിപ്പ്‌ വിതരണോത്ഘാടനം എസ്‌.വൈ.എസ്‌ സൗദി നാഷണൽ പ്രസിഡണ്ട്‌ സയ്യിദ്‌ ഹബീബ്‌ അൽബുഖാരിക്ക്‌ പ്രഥമാംഗത്വം നൽകിക്കൊണ്ട്‌ കാന്തപുരം എ.പി അബൂബക്കർ മുസ്ലിയാർ നിർവ്വഹിച്ചു. എസ്‌.വൈ.എസ്‌ എന്ന പേരിലും മറ്റും കേരളത്തിന്ന്‌ പുറത്ത്‌ സാമുഹ്യ, സാംസ്കാരിക, ജീവകാരുണ്യ പ്രവർത്തനങ്ങളിലേർപ്പെട്ടിരിക്കുന്ന സുന്നി യുവജന വിഭാഗങ്ങളുടെ ഏകീകരണ സംഘടനാ നാമം ഇനി മുതൽ ഐ.സി.എഫ്‌ ആയിരിക്കുമെന്ന്‌ കാന്തപുരം എ.പി അബൂബക്കർ മുസ്ലിയാർ പറഞ്ഞു. ചടങ്ങിൽ കേന്ദ്ര ഹജ്ജ്‌ കമ്മിറ്റി അംഗം ഇ.കെ. അബ്ദുൽ ഹമീദ്‌, എസ്‌.എസ്‌.എഫ്‌ മുൻ പ്രസിഡണ്ട്‌ സയ്യിദ്‌ തുറാബ്‌ സഖാഫി, സുന്നി ജംഇയ്യത്തുൽ മുഅല്ലിമീൻ കാര്യദർശി തെന്നല അബൂഹനീഫൽ ഫൈസി, അബ്ദുൽ റഹ്മാൻ മളാഹിരി തുടങ്ങിയർ സംബന്ധിച്ചു.

www.ssfmalappruam.com




Saturday, November 6, 2010

പരിസ്ഥിതിസ്നേഹ സന്ദേശവുമായി സർഗപ്രതിഭകളുടെ ചിത്രരചന

ദുബൈ: പരിസ്ഥിതി മലിനീകരണത്തിനും ആഗോള താപനത്തിനുമെതിരെ കലാപ്രതിഭകളുടെ നിറങ്ങൾ കോറിയിച്ച പ്രതിരോധം. രിസാല സ്റ്റഡി സർക്കിൾ ദുബൈ സോൺ സാഹിത്യോത്സവിന്റെ ഭാഗമായാണ്‌ പരിസ്ഥിതി മലിനീകരണത്തിനെതിരെ സമൂഹചിത്ര രചന സംഘടിപ്പിച്ചത് ദുബൈ മുനിസിപ്പാലിറ്റി മാധ്യമവിഭാഗം സീനിയർ ഓഫീസറും കവിയുമായ ഇസ്മാഈൽ മേലടി ഉദ്ഘാടനം ചെയ്തു. ദുബൈ നഗരസഭയുടെ ശുചിത്വ കാമ്പയിനിൽ കൂടുതൽ വളണ്ടിയർമാരുമായി പങ്കാളിത്തം വഹിച്ച ആർ എസ്‌ സിയുടെ പരിസ്ഥിതി ബോധവത്കരണത്തിന്റെ ഭാഗമായാണ്‌ സാഹിത്യോത്സവ്‌ പ്രതിഭകളെ പങ്കെടുപ്പിച്ച്‌ ചിത്ര രചന സംഘടിപ്പിച്ചതു. കെ എം അബാസ്‌, ഉബൈദുല്ല സഖാഫി, അശ്‌റഫ്‌ പാലക്കോട്‌, മുഹമ്മദ്‌ കുഞ്ഞി സഖാഫി കണ്ണപുരം സംബന്ധിച്ചു.

05/11/2010

Saturday, October 30, 2010

ക്ളീനപ്‌ ദി വേൾഡ്‌ ശുചീകരണ യജ്ഞത്തിൽ RSC വളണ്ടിയർമാർ


ദുബൈ മുനിസിപ്പാലിറ്റിയുടെ ക്ളീനപ്‌ ദി വേൾഡ്‌ ശുചീകരണ യജ്ഞത്തിൽ രിസാല സ്റ്റഡി സർക്കിൾ (ആർ എസ്‌ സി) വളണ്ടിയർമാർ pics : Hamza seaforth 29/10/2010






Monday, October 11, 2010

സൌദി പൊതു മാപ്പ് ,ആർ.എസ്. സി. ഹെല്പ് ഡെസ്ക്


അൽ കോബാർ . സൌദി ഭരണകൂടം പ്രഖ്യാപിച്ച പൊതുമാപ്പിന്റെ പ്രയോജനം പ്രവാസികളിലേക്ക് പരമാവധി എത്തിക്കുന്നതിന് രിസാല സ്റ്റഡി സർക്കിൾ അൽ കോബാർ സോൺ ഹെല്പ് ഡെസ്ക് രൂപീകരിച്ചു. പൊതുമാപ്പിന്റെ വകുപ്പുകൾ, അപേക്ഷാ രീതി, ആവശ്യമായ രേഖകൾ, തുടങ്ങിയ വിവരങ്ങളും മറ്റു സഹായങ്ങളും നൽകുന്നതാണ്. കോർഡിനേറ്റർമാരായി സലീം കോഴിക്കോടിനെയും, സിദ്ദീഖ് പുല്ലാടിനെയും തിരഞ്ഞെടുത്തു.

ബന്ധപ്പെടേണ്ട നമ്പർ 0596486020/ 0556311477/ 0551987608. 10/10/2010

അൽ ഐൻ സോൺ സാഹിത്യോത്സവ് 2010 ഒക്ടോ. 22 ന്


സാഹിത്യോത്സവ് 2010

Friday, October 1, 2010

ദുബൈ മർകസിന്‌ പുതിയ നേതൃത്വം

അബൂബക്കർ മൗലവി കട്ടിപ്പാറ, ശരീഫ്‌ കാരശ്ശേരി, സുലൈമാൻ കൻമനം

ദുബൈ: മർകസ്‌ ദുബൈ ഘടകത്തിന്‌ പുതിയ ഭാരവാഹികളെ തിരഞ്ഞെടുത്തു. കട്ടിപ്പാറ എ.കെ അബൂബക്കർ മൗലവി (പ്രസിഡന്റ്‌), മമ്പാട്‌ അബ്ദുൽ അസീസ്‌ സഖാഫി, അബൂബക്കർ വയനാട്‌, ബീരാൻ ഹാജി കോഴിച്ചെന, അബ്ദുല്ല കുട്ടി ഹാജി വള്ളിക്കുന്ന്‌ (വൈ.പ്രസി), ശരീഫ്‌ കാരശ്ശേരി (ജനറൽ സെക്രട്ടറി), അബ്ദുസ്സലാം സഖാഫി എരഞ്ഞിമാവ്‌ (എക്സിക്യൂട്ടീവ്‌ സെക്രട്ടറി), നജീം തിരുവനന്തപുരം (വർക്കിംഗ്‌ സെക്രട്ടറി), മുഹമ്മദ്‌ പുല്ലാളൂർ, ഹാറൂൺ റഷീദ്‌ കോഴിക്കോട്‌, സലീം ആർ ഇ സി (ജോ.സെക്രട്ടറി), സുലൈമാൻ കൻമനം (ട്രഷറർ). മർകസ്‌ ആസ്ഥാനത്ത്‌ നടന്ന സംഗമത്തിൽ മർകസ്‌ ജനറൽ സെക്രട്ടറി കാന്തപുരം എ.പി അബൂബക്കർ മുസ്ലിയാർ അധ്യക്ഷത വഹിച്ചു.

30/09/2010
www.ssfmalappuram.com

Monday, September 27, 2010

ആർ എസ്‌ സി ;സാഹിത്യോത്സവുകൾക്ക്‌ അരങ്ങുണർന്നു

ദുബൈ: മണലാരണ്യത്തിലെ മലയാളികൾക്ക്‌ സർഗാസ്വാദനത്തിന്റെ വേദികളൊരുക്കി രിസാല സ്റ്റഡി സർക്കിൾ സാഹിത്യോത്സവുകൾക്കു തുടക്കം. ഇശലുകളുടെ ഈണവും ദഫ്‌ ബൈത്തിന്റെ താളവും കുരുന്നുകളുടെ പാട്ടും കഥയും വരകളും പ്രഭാഷണങ്ങളുടെ പ്രോജ്വലതകളുമായി പ്രവാസലോകത്തെ ഈ നാളുകൾ സർഗ വസന്തങ്ങൾ തീർക്കും. മണൽചൂട്‌ ശമിക്കുകയും ശീതകാലം വരവാകുകയും ചെയ്യുന്ന ശാന്തമായ കാലാവസ്ഥക്കു മധുരം പകർന്നാണ്‌ സാഹിത്യോത്സവുകൾക്ക്‌ ഗൾഫിൽ അരങ്ങുകളുയരുന്നത്‌.

കേരളക്കരയിൽ ഇസ്ലാമിക കലാമേളകൾക്ക്‌ ബദലില്ലാത്ത ആസ്വാദന, മത്സര വേദികൾ സൃഷ്ടിച്ച എസ്‌ എസ്‌ എഫ്‌ സാഹിത്യോത്സവിന്റെ മാതൃകയിലാണ്‌ രിസാല സ്റ്റഡി സർക്കിൾ സാഹിത്യോത്സവുകളും നടക്കുന്നത്‌. സബ്‌ ജൂനിയർ, ജൂനിയർ, സീനിയർ, ജനറൽ വിഭാഗങ്ങളിൽ 38 കലാ സാഹിത്യ ഇനങ്ങളിലാണ്‌ മത്സരങ്ങൾ നടക്കുന്നത്‌. യൂനിറ്റ്‌, സോൺ, നാഷണൽ തലങ്ങളിലായാണ്‌ മത്സരങ്ങൾ ക്രമീകരിച്ചിരിക്കുന്നത്‌. സാഹിത്യോത്സവുകൾ വ്യവസ്ഥപിതമായി നടത്തുന്നതിനായുള്ള മാനദണ്ഡങ്ങളും നിർദേശങ്ങളും എല്ലാ ഘടകങ്ങൾക്കും വിതരണം ചെയ്തിട്ടുണ്ട്‌. ഓരോ ഘടകങ്ങളിലും തിരഞ്ഞെടുക്കപ്പെടുന്ന പ്രോഗ്രാം കമ്മിറ്റിയാണ്‌ സാഹിത്യോത്സവ്‌ പരിപാടികൾക്കു നേതൃത്വം നൽകുക. പൊതുജന പങ്കാളിത്തത്തോടെ ആകർഷകായ ആസ്വാദന വേദികളായി സാഹിത്യോത്സവുകൾ സംഘടിപ്പിക്കുന്നതിനായി അതതു പ്രദേശങ്ങളിൽ സംഘാടക സമതികളും നിലവിൽ വരും.

സെപ്തംബർ 15നാണ്‌ ഗൾഫിൽ യൂനിറ്റ്‌ സാഹിത്യോത്സവുകൾക്കു തുടക്കമായത്‌. ഒക്ടോബർ 29നകം യു എ ഇയിലെ 14 സോൺ സാഹിത്യോത്സവുകൾ പൂർത്തിയാകും. യു എ ഇ നാഷണൽ സാഹിത്യോത്സവ്‌ നവംബർ അഞ്ചിനു നടക്കും. ഉദ്ഘാടന, സമാപന വേദികളിൽ ഗൾഫിലെ സാംസ്കാരിക, സാമൂഹിക പ്രമുഖർ, ഉദ്യോഗസ്ഥർ, വ്യവസായികൾ പങ്കെടുക്കും. നൗഫൽ കരുവഞ്ചാൽ കൺവീനറായ അഞ്ചംഗ സമിതിയാണ്‌ സാഹിത്യോത്സവ്‌ പ്രോഗ്രാമുകൾക്കു നേതൃത്വം നൽകുന്നത്‌. ആസ്വാദനങ്ങൾക്കൊപ്പം പ്രവാസി മലയാളികൾക്കിടയിലെ സർഗ പ്രതിഭാത്വങ്ങൾക്ക്‌ രംഗാവസരങ്ങൾ നൽകി പ്രോത്സാഹിപ്പിക്കുന്നതിന്റെ ഭാഗമായാണ്‌ സാഹിത്യോത്സവുകൾ സംഘടിപ്പിക്കുന്നത്‌. കലാ സാഹിത്യ ഇനങ്ങൾക്കൊപ്പം, വൈജ്ഞാനിക ഇനങ്ങൾക്കും എഴുത്ത്‌, പ്രസംഗം തുടങ്ങിയ സുപ്രധാന ഇനങ്ങൾക്കും സാഹിത്യോത്സവുകളിൽ പ്രാധാന്യം നൽകിയിട്ടുണ്ട്‌. കഴിഞ്ഞ വർഷം മുതലാണ്‌ ഗൾഫിലെ സാഹിത്യോത്സവുകൾ ഏകീകരിച്ചു നടപ്പിലാക്കിത്തുടങ്ങിയത്‌. >>>

Wednesday, September 22, 2010

സൌദിയിൽ പൊതുമാപ്പ് ;ആർ.എസ്‌.സി സ്വാഗതം ചെയ്തു

റിയാദ്‌: സൗദിയിൽ അനധിക്യത താമസക്കാർക്ക്‌ രാജ്യം വിടാൻ അവസരമൊരുക്കി ആറുമാസത്തേക്ക്‌ പൊതുമാപ്പ്‌ പ്രഖ്യാപിച്ച സൗദി ഗവണ്‍മന്റിന്റെ നടപടിയെ രിസാല സ്റ്റഡി സർക്കിൾ (ആർ എസ്‌ സി) സൗദി നാഷണൽ സെക്രട്ടറിയേറ്റ്‌ സ്വാഗതം ചെയ്തു. ദശലക്ഷക്കണക്കായ ഇന്ത്യൻ പ്രവാസികളുള്ള സൗദിയിൽ വിവിധ കാരണങ്ങളാൽ നിയമകുരുക്കിൽ കഴിയുന്നവർ ഈ സുവർണ്ണാവസരം പരമാവധി പയോഗപ്പെടുത്തമെന്നും സെക്രട്ടറിയേറ്റ്‌ ആവശ്യപ്പെട്ടു. സ്പോൺസർമാർ പാസ്പോർട്ട്‌ പിടിച്ച്‌ വച്ചതിനാലോ ഒളിച്ചോടിയെന്ന്‌ പരാതി നൽകിയതിന്റെ പേരിലോ സൗദിയുടെ വിവിധ ഭാഗങ്ങളിൽ രേഖകളില്ലാതെ കഷ്ടപ്പെട്ട്‌ കഴിയുന്ന ആയിരകണക്കിന്‌ ഇന്ത്യക്കാർക്ക്‌ ജന്മനാട്ടിലേക്ക്‌ തിരിക്കാൻ ഇതുമൂലം അവസരം ലഭിക്കും. പൊതു മാപ്പ്‌ ഉപയോഗപ്പെടുത്തി സ്വദേശത്തേക്കു മടങ്ങാൻ ആഗ്രഹിക്കുന്ന ഇന്ത്യക്കാർക്ക്‌ സാങ്കേതിക, നിയമ സഹായങ്ങൾ നൽകുന്നതിനായി ആർ എസ്‌ സി സോൺ കമ്മിറ്റികളുടെ ആഭിമുഖ്യത്തിൽ ഹെൽപ്‌ ഡസ്കുകൾ ആരംഭിക്കും. ആംനസ്റ്റിയുടെ വിശദാംശങ്ങൾ പഠിച്ച്‌ എംബസി, കോൺസുലേറ്റ്‌ കാര്യാലയങ്ങളുമായി സഹകരിച്ചാണ്‌ ആർ എസ്‌ സി വളണ്ടിയർമാർ പൊതുമാപ്പ്‌ ഗുണഭോക്താക്കൾക്കായി സന്നദ്ധ സേവനം നടത്തുക.

സൗദിയിൽ പൊതുമാപ്പ്‌ പ്രഖ്യാപിക്കുന്നതിന്‌ സമ്മർദ്ദം ചെലുത്താൻ നേരത്തെ ഔദ്യോഗിക സന്ദർശനത്തിന്‌ എത്തിയ പ്രധാനമന്ത്രിക്ക്‌ രണ്ട്‌ ലക്ഷം പ്രവാസി ഇന്ത്യക്കാർ ഒപ്പിട്ട ഭീമ ഹരജി രിസാല സ്റ്റഡി സർക്കിൾ സമർപ്പിച്ചിരുന്നു. യോഗത്തിൽ നാഷണൽ ചെയർമാൻ ശംശുദ്ധീൻ നിസാമി അദ്ധ്യക്ഷത വഹിച്ചു. ലുഖ്മാൻ പാഴൂർ, കെ.കെ അഷ്‌റഫ്‌, അഷ്‌റഫ്‌ മഞ്ചേശ്വരം, നജീബ്‌ കൊടുങ്ങല്ലൂർ സംബന്ധിച്ചു.

21/09/2010
www.ssfmalappuram.com

Monday, September 13, 2010

ലോട്ടറി വിവാദം; അപഹാസ്യം, സമ്പൂർണ നിരോധനമാണു വേണ്ടത്‌-ആർ.എസ്‌.സി

റിയാദ്‌: ലോട്ടറിയുടെ പേരിൽ അരങ്ങേറുന്ന ചൂതാട്ടവും കൊള്ളയും സർക്കാർവകയായാൽ നിയമവിധേയവും പുറത്തുനിന്നായാൽ അനധികൃതവുമാണെന്ന തരത്തിൽ ഇപ്പോൾ നടക്കുന്ന പ്രചാരണവും പ്രസ്താവനകളും തീർത്തും അപഹാസ്യമാണെന്നും പ്രാദേശിക പരികൾപ്നകളില്ലാതെ ലോട്ടറിയുടെ സമ്പൂർണ നിരോധനമാണു വെണ്ടതെന്നും രിസാല സ്റ്റഡി സർക്കിൾ (ആർ.എസ്‌.സി) സൗദി നാഷണൽ കമ്മറ്റി സർക്കാരിനോടാവശ്യപ്പെട്ടു.

മലയാളിയുടെ ആർത്തിയെ ചൂഷണം ചെയ്ത്‌ കോർപ്പറേറ്റ്‌ ഭീമന്മാർ നടത്തുന്ന ഒരു ഭാഗ്യപരീക്ഷണ ചൂതാട്ടത്തെ സാധാരണക്കാരുടെ തൊഴിൽദാദാവേന്ന രീതിയിൽ ന്യായീകരിക്കുകയും നിയമനടപടികളുടെ ഉത്തരവാദിത്തം കേന്ദ്ര-സംസ്ഥാന സർക്കാരുകൾ പരസ്പരം ആരോപിച്ചു തടിതപ്പുകയും ചെയ്യുന്നതിനുപിന്നിൽ ഇത്തരം ബിനാമികളോട്‌ രാഷ്ട്രീയക്കാർക്കുള്ള വിധേയത്വമാണു കാണിക്കുന്നത്‌. സാമൂഹ്യക്ഷേമത്തിനുള്ള അധികവരുമാനം കണെ​‍്ടത്താൻ സർക്കാർ നേതൃത്വത്തിൽ തന്നെ ഇത്തരം മാർഗങ്ങൾ സ്വീകരിക്കുമ്പോൾ ജനങ്ങളെ സ്വപ്നജീവികളാക്കി ദുരയുടെ ഗർത്തത്തിലേക്ക്‌ തള്ളിവിടുകയാണു യഥാർത്ഥത്തിൽ ചെയ്യുന്നത്‌. ചൂതാട്ട നിരോധന നിയമമനുസരിച്ച്‌ നാട്ടിൻ പുറങ്ങളിൽ നടക്കാറുള്ള ചീട്ടുകളിയും മുച്ചീട്ടും ആനമയിലൊട്ടകവും തായം കളിയും തുടങ്ങി "ഒന്നു വെച്ചാൽ പത്ത്‌" വരെ നിയമപാലകർ അനുവദിക്കാതിരിക്കുകയും ലോട്ടറിയെന്ന വർണ്ണക്കടലാസിനെ സംസ്ഥാനത്തിന്റേതായാൽ ഔദ്യോഗികമാക്കുന്നതിനും പിന്നിലെ വിരോധാഭാസമാണു ചോദ്യം ചെയ്യപ്പെടുന്നത്‌. ജനങ്ങളെ ചൂതാട്ടത്തിൽനിന്നു രക്ഷിക്കുന്നതിന്‌ എന്തു നഷ്ടവും സഹിക്കാൻ തെയ്യാറാണെന്ന്‌ സംസ്ഥാന ഭരണപക്ഷവും സംവാദവെല്ലുവിളികൾക്ക്‌ പകരം ക്രിയാത്മക നടപടിയാണു വേണ്ടതെന്ന്‌ പ്രതിപക്ഷവും പറയുമ്പോൾ പിന്നെ ആരാണു നിരോധനത്തിനു തടസ്സം നിൽക്കുന്നതെന്ന്‌ ഇരു കൂട്ടരും ജനങ്ങൾക്കു മുന്നിൽ വ്യക്തമാക്കേണ്ടതുണ്ട്‌. നറുക്കെടുപ്പ്‌ ആഴ്ച്ചയിലൊന്നാക്കിചുരുക്കി മുഖം രക്ഷിക്കാൻ സർക്കാരിനു കഴിയില്ല. ലോട്ടറിയെ ഉപജീവിക്കുന്ന സാധാരണക്കാരുടെ പുരധിവാസമടക്കം പിന്നിൽ വരുന്ന മുഴുവൻ പ്രശ്നങ്ങളും ഏറ്റെടുത്ത്‌ ലോട്ടറിയുടെ സമ്പൂർണ നിരോധനത്തിനു സർക്കാർ തയ്യാറാവനമെന്നും ബോധവൾക്കരണത്തിലൂടെ ലോട്ടറിയുടെ ഭീകരത ബോധ്യപ്പെടുത്തുന്നതിനു പകരം സംസ്ഥന-അന്യസംസ്ഥാന വർഗീകരണത്തിലൂടെ ഔദ്യോഗിക ലോട്ടറിക്ക്‌ കൂട്ടുനിൽക്കുന്ന മധ്യമങ്ങളടക്കമുള്ളവർ അതിൽ നിന്ന്‌ പിന്മാറി പാവപ്പെട്ടവരെ രക്ഷിക്കുന്നതിൽ കരുത്തുകാട്ടണമെന്നും ആർ.എസ്‌.സി. സെക്രട്ടറിയറ്റ്‌ പറഞ്ഞു. ഇതു സംബന്ധമായി ചേർന്ന മീറ്റിൽ സെക്രട്ടറിയറ്റ്‌ അംഗങ്ങളായ ഷംസിദ്ദേ‍ീൻ നിസാമി, അബ്ദുൽ റഹ്മാൻ പരിയാരം, കെ.കെ.അഷ്‌റഫ്‌, ലുഖ്മാൻ പാഴൂർ, മഹ്‌മൂദ്‌ സഖാഫി, നജീബ്‌ കൊടുങ്ങല്ലൂർ പങ്കെടുത്തു.

http://www.ssfmalappuram.com/

Tuesday, September 7, 2010

ഇശൽ രാവ് ദുബൈ മർകസിൽ


പെരുന്നാൾ ദിന പരിപാടികൾ

എയർഇന്ത്യ ;സർക്കാറുകൾ അടിയന്തരമായി ഇടപെടണം: ആർ.എസ്‌.സി

റിയാദ്‌: ഗൾഫ്‌ മലയാളികളുടെ മുഖത്തടിക്കുന്ന രീതിയിൽ എയർ ഇന്ത്യ എക്സ്പ്രസ്സിന്റെ മുന്നൂറോളം സർവീസുകൾ കൂട്ടത്തോടെ നിർത്തലാക്കിയ നടപടിയിൽ കേന്ദ്ര-സംസ്ഥാന സർക്കാറുകൾ നേരിട്ട്‌ ഇടപെടണമെന്നും ഗൾഫിലെത്തുന്ന നേതാക്കളും മന്ത്രിമാരും പ്രവാസികൾക്ക്‌ പലപ്പോഴായി നൽകിയ ഉറപ്പുകളുടെ പ്രത്യക്ഷ ലംഘനമാണിതെന്നും രിസാല സ്റ്റഡി സർക്കിൾ (ആർ.എസ്‌.സി) സൗദി നാഷണൽ സെക്രട്ടറിയേറ്റ്‌ അഭിപ്രായപ്പെട്ടു.

കാലങ്ങളായി മലയാളികളെ വിശിഷ്യാ മലബാറുകാരെ ദ്രോഹിക്കുന്ന രീതിയിൽ പെരുമാറിയിരുന്ന എയർ ഇന്ത്യയുടെ ഈനടപടി നീതീകരിക്കാനാവാത്തതും ധിക്കാരപരവുമാണ്‌. ആവശ്യമായ ജീവനക്കാരുടെ അഭാവമാണു റദ്ദാക്കലിനു കാരണമായി അധികൃതൾ ചൂണ്ടിക്കാണിക്കുന്നത്‌. മുന്നറിയിപ്പോ ബദൽ സംവിധാനങ്ങളോ നൽകാതെ പെട്ടെന്നു രൂപപ്പെടുന്നതല്ലാത്ത ഇത്തരം കാരണങ്ങൾ പറയുന്നതിൽ ദുരൂഹതയുണ്ട്‌. പൊതുമേഖലയിലുള്ള വിമാനക്കമ്പനികളെ സ്വകാര്യമേഖലക്ക്‌ കൈമാറാനുള്ള ഗോ‍ൂഢതന്ത്രത്തിന്റെകൂടി ഭാഗമാകാമിതെന്ന ആരോപണം ശരിവയ്ക്കുന്നതാണ്‌ എയർ ഇന്ത്യയുടെ ഇതപര്യന്തമുള്ള നടപടികൾ. മംഗലാപുരം ദുരന്തത്തെ തുടർന്ന്‌ നടന്ന ഉന്നതത്തല ബോർഡ്‌ മീറ്റിങ്ങുകളിൽ ഗൾഫു മേഖലയിലെ സർവീസ്‌ സാധാരണഗതിയിലായി എന്ന്‌ പ്രഖ്യാപിച്ച്‌ മാസങ്ങൾ പിന്നിടുമ്പോഴാണ്‌ തിരക്കേറിയ അവധിക്കാലത്തു ആയിരക്കണക്കിനു ഗുൾഫുകാരേയും കുടുംബങ്ങളേയും കണ്ണീരിലാഴ്ത്തുന്ന കൂട്ടറദ്ദാക്കൽ. പല ആളുകൾക്കും ജോലി നഷ്ടപ്പെടുന്നതിന്‌ അതു കാരണമാവും.

അടിയന്തര പരിഹാരങ്ങൾ സർക്കാരിന്റെയും എയർ ഇന്ത്യയുടെയും ഭാഗത്തു നിന്നുണ്ടാവുന്നില്ലെങ്കിൽ സംഘടന ഗൾഫ്‌ മലയാളികൾക്കിടയിൽ എയർ ഇന്ത്യക്കെതിരെ പ്രചാരണം നടത്തും. കേരളത്തിൽ എസ്‌.എസ്‌.എഫിന്റെ സഹകരണത്തോടെ സമര പരിപാടികൾ ആസൂത്രണം ചെയ്യും. രാഷ്ട്രീയ പ്രസ്ഥാനങ്ങളും സംഘടനകളും അധികാരികളുടെ കണ്ണു തുറപ്പിക്കാൻ രംഗത്തിരങ്ങണമെന്നും സെക്രട്ടറിയറ്റ്‌ ആവശ്യപ്പെട്ടു. നാഷണൽ ചെയർമാൻ ശംശുദ്ധീൻ നിസാമി അദ്ധ്യക്ഷത വഹിച്ചു. കെ.കെ അഷ്‌റഫ്‌, ലുഖ്മാൻ പാഴൂർ, നജീബ്‌ കൊടുങ്ങല്ലൂർ, അബ്ദുൽ റഹ്മാൻ പരിയാരം സംസാരിച്ചു.
06/09/2010

Wednesday, September 1, 2010

ഭീകരവാദവും തീവ്രവാദവും ഇസ്ലാമിനന്യം-കാന്തപുരം


ഡോ. എ.പി. അബ്ദുൽ ഹകീം അസ്ഹരി പ്രഭാഷണം


കുവൈത്ത്‌: ഭീകരവാദവും തീവ്രവാദവും ഇസ്ലാമിന്റെ പേരിൽ തല്പരകക്ഷികൾ അടിച്ചേൽപ്പിക്കുകയാണെന്നും ഇസ്ലാം സ്നേഹത്തിന്റെയും സഹിഷ്ണുതയു ടെയും സാഹോദര്യത്തിന്റെയും സന്ദേശമാണ്‌ ലോകത്തിന്‌ സമർപ്പിച്ചതെന്നും കാന്തപുരം എ.പി.അബൂബക്കർ മുസ്ലിയാർ പ്രസ്താവിച്ചു. കുവൈത്ത്‌ എസ്‌.വൈ.എസ്‌ സംഘടിപ്പിച്ച റമളാൻ പ്രഭാഷണത്തിൽ വീഡിയോ കോൺഫറൻസിലൂടെ അഭിസംബോധന ചെയ്യുകയായിരുന്നു അദ്ദേഹം. ഇസ്ലാം സ്വന്തം വിശ്വാസം ആരുടെ മേലും അടിച്ചേൽപ്പിക്കാൻ ആരെയും കൽപ്പിച്ചിട്ടില്ല. പക്ഷേ, മുസ്ലിമിന്‌ അവന്റെ വിശ്വാസം സംരക്ഷിക്കാൻ അവസരമുണ്ടാവുകയും വേണം. തങ്ങളുടെ വിശ്വാസ സ്വാതന്ത്ര്യത്തെ സംരക്ഷിക്കുക എന്ന ലക്ഷ്യം മാത്രമായിരുന്നു ഇസ്ലാമിക യുദ്ധങ്ങളുടെ അടിസ്ഥാനം. തങ്ങളുടെ വിശ്വാസം നിലനിർത്താനും ജ?​‍ാവകാശങ്ങൾ സംരക്ഷിക്കാനും സ്വാതന്ത്ര്യം നൽകില്ല എന്ന ശത്രുക്കളുടെ നിലപാടിൽ നിന്നായിരുന്നു ഇസ്ലാമിക യുദ്ധങ്ങളുടെ ആരംഭം; ബദ്ര് യുദ്ധ സ്മരണയുണർത്തിക്കൊണ്ട്‌ കാന്തപുരം പറഞ്ഞു. ഇസ്ലാമിനെ തെറ്റായി വായിച്ചതിനാൽ അല്പബുദ്ധികളായ ചില മുസ്ലിംകൾ തെറ്റായ പ്രവർത്തനങ്ങളിലേക്ക്‌ സാഹചര്യങ്ങളുടെ കൂടി സമ്മർദ്ധ ഫലമായി നീങ്ങിയിട്ടുണ്ടാകാം. അവർ തെറ്റു തിരുത്തി ഇസ്ലാമിന്റെ യഥാർത്ഥ അന്ത:സത്ത മനസ്സിലാക്കി യഥാർത്ഥ ഇസ്ലാമിനെ സമൂഹത്തിനു കാണിച്ചു കൊടുക്കാൻ തയ്യാറാവണം; കാന്തപുരം അഭ്യർത്ഥിച്ചു. സമസ്ത മുശാവറ അംഗം താഴപ്ര മൊയ്തീൻകുട്ടി മുസ്ലിയാർ സമ്മേളനം ഉദ്ഘാടനം ചെയ്തു. സ്വാഗതസംഘം ചെയർമാൻ അഹ്മദ്‌ കെ.മാണിയൂർ അദ്ധ്യക്ഷനായിരുന്നു. ഡോ. എ.പി. അബ്ദുൽ ഹകീം അഷരി മുഖ്യപ്രഭാഷണം നിർവഹിച്ചു. വിദ്യഭ്യാസ രംഗത്തെ ശക്തമായ തിരിച്ചു വരവാണ്‌ ഇന്ത്യൻ മുസ്ലിംകളുടെ സമകാലിക പ്രശ്നങ്ങൾക്കുള്ള കാതലായ പരിഹാരമെന്ന്‌ അദ്ദേഹം പറഞ്ഞു. ഉത്തരേന്ത്യയിൽ വിദ്യാഭ്യാസപരമായും സാമൂഹ്യപരമായും മുസ്ലിംകൾ ഏറ്റവും അടിത്തട്ടിലാണ്‌. ഇതിൽ നിന്ന്‌ അവരെ ഉയർത്തലാവട്ടെ നമ്മുടെ മുഖ്യ അജണ്ട; അദ്ദേഹം ഓർമ്മിപ്പിച്ചു.

ലഫ്‌. കേണൽ ഖാലിദ്‌ അൽഅമ്മാർ, അഹ്മദ്‌ അൽഹാജിരി, അബ്ദുല്ല അൽഹാജിരി, യൂസുഫ്‌ അൽഹാജിരി, മുനീർ ബാഖവി തുരുത്തി, ഉബൈദുല്ലാഹ്‌ സഖാഫി, തുടങ്ങിയവരും സന്നിഹിതരായിരുന്നു. നേരത്തേ രണ്ടായിരത്തിലധികം പേർ പങ്കെടുത്ത ഇഫ്താർ വിരുന്ന്‌ നടക്കുകയുണ്ടായി. പരിപാടികൾ പി.കെ. ശുക്കൂർ, അഡ്വ.തൻവീർ, എഞ്ചിനീയർ അബൂമുഹമ്മദ്‌, കെ.പി. നൗഫൽ, അലവി സഖാഫി തെഞ്ചേരി എന്നിവർ കോഓർഡിനേറ്റ്‌ ചെയ്തു. അബ്ദുല്ല വടകര സ്വാഗതവും സി.ടി.എ. ലത്തീഫ്‌ നന്ദിയും പറഞ്ഞു

http://www.ssfmalappuram.com/
CT A Latheef

Monday, August 30, 2010

ലഹരിക്കെതിരെ യുവത രംഗത്തിറങ്ങണം: പേരോട്‌


ദൈദ്‌: ലഹരി വസ്തുക്കളായ മദ്യം, മയക്കുമരുന്ന്‌, പാൻമസാല, പുകവലി എന്നിവ മനുഷ്യനെ വ്യക്തിപരമായും സാമൂഹ്യപരമായും അധമനാക്കുമ്പോൾ കഠിനമായ ഇലാഹി കോപത്തിനു അത്തരക്കാർ വിധേയരാകേണ്ടിവരുമെന്ന്‌ പേരോട്‌ അബ്ദുൽറഹ്മാൻ സഖാഫി ഓർമ്മിപ്പിച്ചു. തൊഴിലെടുത്ത്‌ ജീവിക്കൽ അഭിമാനവും യാചന അപമാനവുമാണ്‌. വഞ്ചന കടുത്ത തെറ്റും ദൈവകോപത്തിനു കാരണമാവുമെന്നും അദ്ദേഹം സൂചിപ്പിച്ചു. ഒരു മുസ്ലിം സർവ്വത്തെക്കാളും സ്നേഹിക്കേണ്ടത്‌ സ്രഷ്ടാവായ അല്ലാഹുവിനെ ആണെന്നും കുഫ്‌റിലേക്ക്‌ മടങ്ങി പോവുന്നതിനെ തീയിലേക്ക്‌ വലിച്ചെറിയപ്പെടുന്നതിനെ

വെറുക്കുമ്പോലെ ആയിരിക്കണമെന്നും. തീവ്രവാദത്തിലേക്കും ഭീകരവാദത്തിലേക്കും മുസ്ലിം ചെറുപ്പക്കാർ പോവരുത്തെന്നും പ്രമാണങ്ങൾ നിരത്തി പേരോട്‌ അബ്ദുൽറഹ്മാൻ സഖാഫി സദസ്യരെ ഉണർത്തി. ഷാർജ അൽദൈദ്‌ അമ്മാറുബിനു യാസിർ മസ്ജിദിൽ (ദൈദ്‌ വലിയപള്ളിയിൽ) റമസാൻ പ്രഭാഷണം നടത്തുകയായിരുന്നു അദ്ദേഹം.

30/08/2010

Tuesday, August 24, 2010

തൃശൂർ ജില്ല SYS സാന്ത്വനം പദ്ധതി ഉദ്ഘാടനം ചെയ്തു


ദുബൈ: സാന്ത്വനം എന്ന പേരിൽ എസ്‌ വൈ എസ്‌ നടപ്പിലാക്കുന്ന ജീവകാരുണ്യ, ആതുരസേവന പ്രവർത്തനങ്ങളുടെ തൃശൂർ ജില്ലാതല വിഭവ സമാഹരണ ഉദ്ഘാടനം അൽ ശിഫ മെഡിക്കൽ ഗ്രൂപ്പ്‌ ചെയർമാൻ ഡോ. മുഹമ്മദ്‌ കാസിമിൽനിന്നും സഹായം സ്വീകരിച്ച്‌ ജില്ലാ ഖാസി സയ്യിദ്‌ ഇബ്‌റാഹീമുൽ ഖലീലുൽ ബുഖാരി നിർവഹിച്ചു. ദുബൈ മർകസിൽ നടന്ന ജില്ലാ മഹല്ല്‌ സൗഹൃദ സംഗമത്തിൽ വെച്ചായിരുന്നു ഉദ്ഘാടനം. ജില്ലാ പ്രസിഡന്റ്‌ പി കെ ബാവദാരിമി സംഗമം ഉദ്ഘാടനം ചെയ്തു.ഒരു കോടി രൂപ ചെലവിട്ടു നടപ്പിലാക്കുന്ന സാന്ത്വനം ഒന്നാം ഘട്ട പദ്ധയിൽ ഉൾപ്പെടുത്തി ആംബുലൻസ്‌ സർവീസ്‌, 50 മഹല്ലുകളിൽ മെഡിക്കൽ ക്യാമ്പുകൾ, 500 രോഗികൾക്ക്‌ പ്രതിമാസ മെഡിക്കൽ അലവൻസ്‌, 500 കുടുംബങ്ങൾക്ക്‌ ഭക്ഷ്യറേഷൻ തുടങ്ങിയ പ്രവർത്തനങ്ങൾ നടത്തും. സംഗമത്തിൽ മാടവന ഇബ്‌റാഹീംകുട്ടി മുസ്ലിയാർ, എ കെ അബൂബക്കർ മുസ്ലിയാർ കട്ടിപ്പാറ, കെ ആർ നസ്‌റുദ്ദേ‍ീൻ ദാരിമി, വി സി ഉമർഹാജി, വരവൂർ മുഹ്‌യിദ്ദേ‍ീൻകുട്ടി സഖാഫി, സി എം എ കബീർ മാസ്റ്റർ, സയ്യിദ്‌ ഹുസൈൻ തങ്ങൾ വാടാനപ്പള്ളി, പി എസ്‌ എം കമറുദ്ദീൻ പാവറട്ടി, അബൂബക്കർ ഹാജി നാട്ടിക, കുഞ്ഞിമുഹമ്മദ്‌ സഖാഫി തൊഴിയൂർ, പി എ മുഹമ്മദ്‌ ഹാജി, നവാസ്‌ എടമുട്ടം സംസാരിച്ചു. അബൂബക്കർ സഖാഫി വാടാനപ്പള്ളി അധ്യക്ഷത വഹിച്ചു.


റഫീഖ് എറിയാട്

Monday, August 23, 2010

പേരോട് അബ്‌ദുറഹ്‌മാൻ സഖാഫിയുടെ റമദാൻ പ്രഭാഷണം അബുദാബിയിൽ 27 ന്


പേരോട് അബ്‌ദുറഹ്‌മാൻ സഖാഫിയുടെ റമദാൻ പ്രഭാഷണം അബുദാബിയിൽ 27 ന്

രിസാല ഖുര്‍ആന്‍ പതിപ്പ് പ്രകാശനം ചെയ്തു


രിസാല ഖുര്‍ആന്‍ പതിപ്പിന്റെ സൗദിതല പ്രകാശന കര്‍മ്മം റിയാദില്‍ നടന്ന ചടങ്ങില്‍ വെച്ച് താരിക ഗോള്‍ഡ് എം.ഡി. സി. പി. മുഹമ്മദിന് നല്‍കിക്കൊണ്ട് മുഹമ്മദലി മുണ്ടോടന്‍ നിര്‍വ്വഹിക്കുന്നു
________________________________________
നസീർ മുതുകുറ്റി

പേരോട് ഉസ്താദ് റമദാൻ പ്രഭാഷണം ദിബ്ബ, കൽബ,ഫുജൈറ


Saturday, August 21, 2010

കുവൈത്ത് റമളാൻ പ്രഭാഷണം: കാന്തപുരം പങ്കെടുക്കും

കുവൈത്ത്‌: സുന്നി യുവജന സംഘം കുവൈത്ത്‌ കമ്മിറ്റിയുടെ ഈ വർഷത്തെ റമളാൻ പ്രഭാഷണവും മെഗാ ഇഫ്താർ മീറ്റും ആഗസ്റ്റ്‌ 27ന്‌ വെള്ളിയാഴ്ച അബാസിയ ടൂറിസ്റ്റിക്‌ പാർക്കിൽ വെച്ച്‌ നടത്താൻ തീരുമാനിച്ചു. 2000 പേർ പങ്കെടുക്കുന്ന മെഗാ ഇഫ്താർ സംഗമവും തുടർന്ന്‌ അഖിലേന്ത്യാ സുന്നി ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എ പി അബൂബക്കർ മുസ്ലിയാരുടെ റമളാൻ പ്രഭാഷണവുമുൾക്കൊള്ളുന്ന പരിപാടിയുടെ വിജയത്തിനായി അഹ്മദ്‌ കെ മാണിയൂർ ചെയർമാനും പി കെ ശുകൂർ കൈപ്പുറം കൺവീനറുമായി 201 അംഗ സ്വാഗതസംഘം രൂപീകരിച്ചു.

സയ്യിദ്‌ ഹബീബ്‌ ബുഖാരി കൺവീനറായി ഫൈനാൻസ്‌ കമ്മിറ്റിയും ഹബീബ്കോയ കൺവീനറായി സ്വീകരണ കമ്മിറ്റിയും അബ്ദുറസാഖ്‌ സഖാഫി കൺവീനറായി വളണ്ടിയർ കോറും തിരഞ്ഞെടുത്തു. യോഗത്തിൽ അബ്ദുൽഹകീം ദാരിമി അദ്ധ്യക്ഷനായിരുന്നു.
Mishab

Sunday, August 15, 2010

മഴവിൽകൂട്ടം റെയിൻബോ ഫെസ്റ്റ് നടത്തി

ജിദ്ദ: സുന്നി ബാല സംഘം കൂട്ടായ്മയായ മഴവിൽ കൂട്ടത്തിനു കീഴിൽ വിദ്യർഥികൾക്കായി റെയിൻബോ ഫെസ്റ്റ്‌ എന്ന പേരിൽ കലാ-കായിക മത്സരങ്ങൾ നടത്തി . ഖുർആൻ പാരായണം പ്രസഗം, മപ്പിള പാട്ട്‌, ക്വിസ്സ്‌, ഫൂട്ബാൾ, കമ്പവലി തുടങ്ങി മുപ്പതോളം ഇനങ്ങളിലായി നൂറോളാം കലാ പ്രതിഭകൾ മാറ്റുരച്ചു, മുഖദ്ദസ്‌, ഖാദിസിയ്യ ഏന്നിങ്ങനെ രണ്ട്‌ ഗ്രൂപ്പുകളായി നടന്ന മത്സരങ്ങളിൽ 156 പോയിന്റോടെ മുഖദ്ദസ്‌ ഒന്നാം സ്ഥാനത്തും 153 പോയന്റോടെ ഖാദിസിയ്യ രണ്ടാം സ്ഥനത്തും എത്തി. കിലോ 14ലെ അരാസാത്ത്‌ ഓഡിറ്റോറിയത്തിൽ നടന്ന പരിപാടിക്കു മുഹ്സിൻ സഖാഫി, ഹസൈനാർ ബാഖവി ഹമീദ്‌ മുസ്ലിയാർ കുറ്റൂർ, മുസ്തഫ സഅദി, നിസാർ പന്താവൂർ എന്നിവർ നേതൃത്വം നൽകി. വിജയികൾക്കുള്ള സമ്മാന വിതരണം സുന്നി യുവജന സംഘം സൗദി നാഷണൽ പ്രസിഡന്റ്‌ സയ്യിദ്‌ ഹബീബുൽ ബുഖാരി നിർവഹിച്ചു, ആദം സ്വാഗതവും നന്ദിയും പറഞ്ഞു.

14/08/10
Khaleel Rahman

ദുബൈ മർകസിൽ ഖുർ‌ആൻ ക്ലാസ് റമളാനിൽ

Saturday, August 14, 2010

പേരോട് ഉസ്താദ് മുസ്വഫയിലെ പള്ളികളിൽ പ്രസംഗിക്കുന്നു

വിശുദ്ധ റമദാനിൽ യു.എ.ഇ. പ്രസിഡണ്ട് ഷെയ്ഖ് ഖലീഫയുടെ അതിഥിയായി എത്തിയ പേരോട് അബ്ദുറഹിമാന്‍ സഖാഫി ഇന്ന് മുസ്വഫയിൽ ഐ-കാഡ് സിറ്റി വലിയ പള്ളിയിലും നാളെ മുസ്വഫ ശ‌അ‌ബിയ 12ൽ ബസ്‌സ്റ്റാൻഡിനടുത്തുള്ള പള്ളിയിലും ‍ താറാവിഹ് നിസ്കാരശേഷം പ്രസംഗിക്കുന്നതാണ്.
Omacchappuzha

Thursday, August 12, 2010

കറാമ വലിയ പള്ളിയിൽ വിജ്ഞാന സദസ്സ്


പേരോട് ഇന്ന് അബുദാബിയിൽ

ഷെയ്ഖ് ഖലീഫയുടെ അതിഥിയായി UAE യില്‍ എത്തിയ പേരോട് അബ്ദുറഹിമാന്‍ സഖാഫി ഇന്ന് അബുദാബിയിലെ അബ്ദുല്‍ ഖാലിഖ് മസ്ജിദില്‍ താറാവിഹ് നിസ്കാരശേഷം പ്രസംഗിക്കുന്നതാണ്.

Monday, August 2, 2010

പാരസ്പര്യം വിളംബരം ചെയ്ത്‌ എസ്‌വൈ എസ്‌ സൗഹൃദസംഗമം

ഏഷ്യാനെറ്റ്‌ റേഡിയോ പ്രോഗ്രാം ഡയരക്ടർ രമേശ്‌ പയ്യന്നൂർ

ദുബൈ: സ്നേഹവും പാരസ്പര്യവും വളർത്തി സമൂഹത്തിലെ സൗഹൃദം ദൃഢമാക്കാൻ മതജീവിതം നയിക്കുന്നവരും സാമൂഹ്യപ്രസ്ഥാനങ്ങളും രംഗത്തു വരണമെന്ന്‌ 'സ്നേഹസമൂഹം സുരക്ഷിതനാട്‌' എന്ന സ്ന്ദേശത്തിൽ എസ്‌ വൈ എസ്‌ ദുബൈ സേൻട്രൽ കമ്മിറ്റി സംഘടിപ്പിച്ച സൗഹൃദ സായഹ്നത്തിൽ പ്രസംഗിച്ചവർ അഭിപ്രായപ്പെട്ടു.

ഏഷ്യാനെറ്റ്‌ പ്രോഗ്രാം ഡയരക്ടർ രമേശ്‌ പയ്യന്നൂർ ഉദ്ഘാടനം ചെയ്തു. എല്ലാ മതങ്ങളും സ്നേഹത്തിന്റെ സന്ദേശമാണ്‌ ഉദ്ഘോഷിക്കുന്നത്‌.എന്നാൽ വ്യാഖ്യാനത്തിന്റെ പിഴവ്‌ കാരണമുണ്ടാകുന്ന വൈകാരിക സമീപനങ്ങളാണ്‌ പ്രതിസന്ധികൾ സൃഷ്ടിക്കുന്നത്‌. എന്തുകൊണ്ട്‌ തീവ്രവാദികളിൽ മുസ്ലിംകൾ ഉൾപ്പെടുന്നുവെന്ന്‌ മതനേതൃത്വം ചിന്തിക്കണം. മതപഠനത്തോടൊപ്പം ദേശീയ ബോധവും നൽകണമെന്നും നന്മയുടെ ആശയങ്ങൾ തിരസ്കരിക്കപ്പെടുകയും തിന്മ പെരുപ്പിച്ചു കാണുകയും ചെയ്യുന്ന പ്രവണത വർധിച്ചു വരുകയാണെന്നും അദ്ദേഹം പറഞ്ഞു.

എസ്‌ വൈ എസ്‌ പബ്ലിക്‌ റിലേഷൻ വിഭാഗം ഡയറക്ടർ സയ്യിദ്‌ ഹുസൈൻ തങ്ങൾ വിഷയാവതരണം നടത്തി. കാരുണ്യത്തിന്റെ ദർശനങ്ങളാണ്‌ സമൂഹത്തെ ഇസ്ലാമിലേക്കാകർഷിച്ചതു. സാമ്രാജ്യത്വ ശക്തികളുടെ ശ്രമഫലമായുണ്ടാകുന്ന വിധ്വംസക പ്രവർത്തനങ്ങളാണ്‌ മതത്തിന്റെ മറവിൽ നടക്കുന്ന ഭീകര പ്രവർത്തനങ്ങളുടെ അടിസ്ഥാന കാരണമെന്ന്‌ അദ്ദേഹം പറഞ്ഞു. പാരമ്പര്യത്തിന്റെ കണ്ണികൾ അറുത്തുമാറ്റി വിപ്ലവത്തിന്റെ ശൈലിയിലൂടെ ഇസ്ലാമിനെ കാണാൻ തുടങ്ങിയപ്പോഴാണ്‌ ഇസ്ലാമിക സമൂഹം തെറ്റിദ്ധരിക്കപ്പെട്ടു തുടങ്ങിയതെന്നും അദ്ദേഹം പറഞ്ഞു.

ഇസ്മാഈൽ ഏറാമല, ഖാലിദ്‌ ഹാജി, ഫസ്‌ലുദ്ദീൻ ശൂരനാട്‌, മമ്പാട്‌ അബ്ദുൽ അസീസ്‌ സഖാഫി, നാസിർ സഖാഫി, സുലൈന്മാൻ കന്മനം സംസാരിച്ചു. എസ്‌ വൈ എസ്‌ സംസ്ഥാന സമിതി അംഗം വടശ്ശേരി ഹസൻ മുസ്ലിയാർ സമന്വയ പ്രഭാഷണം നടത്തി. ശംസുദ്ദീൻ ബാഅലവി പ്രാർഥന നിർവഹിച്ചു.

01/08/2010
അബുയാസീൻ അഹ്‌സനി

Thursday, July 29, 2010

വേനൽക്കൂടാരം സമാപിച്ചു

ദുബൈ: രിസാല സ്റ്റഡി സർക്കിൾ( RSC ) ദുബൈ സോൺ വിദ്യാർത്ഥികൾക്കായി സംഘടിപ്പിച്ച അവധി കാല സഹവാസ ക്യാമ്പ്‌ വേനൽ കൂടാരത്തിന്‌ ആവേശകരമായ സമാപനം. കുട്ടികളിലെ പഠന, സർഗ വൈഭവങ്ങൾ പ്രോത്സാഹിപ്പിക്കുന്നതിനും ശാസ്ത്ര, സാങ്കേതിക സങ്കേതങ്ങളെക്കുറിച്ചും സുരക്ഷിതമായ ഭാവിയെക്കുറിച്ചും പരിചയപ്പെടുത്തിയ വിനോദ, വിജ്ഞാന ക്യാമ്പിന്‌ പ്രമുഖർ നേതൃത്വം നൽകി.

എഡ്യുഫോർസൈറ്റ്‌, ഒരുമക്കുടുംബം, ഹുവൽ ഖാലിക്‌, നോ യുവർ ദുബൈ പാസ്റ്റ്‌, ഒരു മൊട്ടുണരുന്നു, എന്റെ ശരീരം, ഒരു പത്രം ജനിക്കുന്നു, സോഷ്യലൈസേഷൻ, ഹർഷാരവം തുടങ്ങിയ ശേഷനുകൾക്ക്‌ നിസാർ സെയ്ദ്‌, സിജി ഡയറക്റ്റർ സംഗീത്‌ ഇബ്രാഹിം, അഡ്വ. ബക്കർ അലി, ജലീൽ പട്ടാമ്പി, മർകസ്‌ ജനറൽ മാനേജർ സി. മുഹമ്മദ്‌ ഫൈസി, പി കെ എം സഖാഫി ഇരിങ്ങല്ലൂർ, അബ്ദുൽ സലാം സഖാഫി വെള്ളലശ്ശേരി, ഡോ. പി.പി. മഅ​‍്‌റൂഫ്‌, അശ്‌റഫ്‌ പാലക്കോട്‌ നേതൃത്വം നൽകി.


ശരീഫ്‌ കാരശ്ശേരി, അബ്ദുൽസലാം സഖാഫി

ദുബൈയുടെ വിവിധ സ്ഥലങ്ങളിലേക്ക്‌ നടത്തിയ ഉല്ലാസ, പഠന യാത്രയും കലാകായിക മത്സരങ്ങളും വിദ്യാർത്ഥികൾക്ക്‌ പുതിയൊരു അനുഭവമായി

E.K. Musthafa
28/07/2010

Saturday, June 19, 2010

അബ്ദുൽറഹ്മാൻ സോങ്കാലിന്‌ ചികിത്സാ സഹായം കൈമാറി

റിയാദ്‌ മംഗലാപുരം: വാഹനാപകടത്തിൽ ഗുരുതരമായി പരിക്കേറ്റ്‌ ഒന്നര മാസത്തോളമായി മംഗലാരുരത്ത്‌ സ്വകാര്യാശുപത്രിയിൽ ചികിത്സയിൽ കഴിയുന്ന റിയാദ്‌ എസ്‌.വൈ.എസ്‌ സജീവ പ്രവർത്തകൻ അബ്ദുൽറഹ്മാൻ സോങ്കാലിന്‌ കാസർകോട്‌ ജില്ലാ എസ്‌.വൈ.എസ്‌ മുഖേന റിയാദ്‌ എസ്‌.വൈ.എസ്‌ നൽകുന്ന ധനസഹായം കൈമാറി.

റിയാദ്‌ എസ്‌.വൈ.എസ്‌ പ്രതിനിധി അബ്ദുൽ ലത്വീഫ്‌ സഅദി ഉറുമിയുടെ സാന്നിദ്ധ്യത്തിൽ എസ്‌.വൈ.എസ്‌ കാസർകോട്‌ ജില്ലാ സെക്രട്ടറി സുലൈമാൻ കരിവെള്ളൂരിൽ നിന്നും അബ്ദുൽറഹ്മാന്റെ ജ്യേഷ്ഠൻ മൂസയാണ്‌ തുക ഏറ്റു വാങ്ങിയത്‌. എസ്‌.വൈ.എസ്‌ കുമ്പള മേഖലാ സെക്രട്ടറി അബ്ദുൽ ഖാദിർ സഖാഫി മോഗ്രാൽ സംബന്ധിച്ചു.

കഴിഞ്ഞ മാസം കുമ്പളയിൽ നടന്ന സുന്നി സമ്മേളനത്തിൽ സംബന്ധിക്കാൻ വരും വഴിയാണ്‌ അബ്ദുറഹ്മാനും സുഹൃത്ത്‌ അബ്ദുറഹ്മാൻ ഇച്ചിലങ്കോടും ആരിക്കാടിയിൽ വെച്ച്‌ അപകടത്തിൽ പെട്ടത്‌. അബ്ദുറഹ്മാൻ ഇച്ചിലങ്കോട്‌ സംഭവ സ്ഥലത്ത്‌ വെച്ച്‌ തന്നെ മരണപ്പെട്ടിരുന്നു. ഇരുവരുടെയും കുടുംബത്തിനു വേണ്ടി റിയാദ്‌ എസ്‌.വൈ.എസിനു കീഴിൽ സഹായ നിധിയുണ്ടാക്കി പ്രവർത്തനം നടന്നു വരികയാണ്‌.

ദുബൈ മർകസിൽ ഇംഗ്ലീഷ്‌ ക്ലബ്‌

ദുബൈ: സെൻട്രൽ എസ്‌ വൈ എസ്‌ എഡുക്കേഷൻ സെല്ലിനു കീഴിൽ ഭാഷാ പ്രാവിണ്യം പരിപോഷിപ്പിക്കുന്നതിനായി രൂപം നൽകിയ ഫ്രൈഡേ ഇംഗ്ലീഷ്‌ ക്ലബിന്റെ ഉദ്ഘാടനം ഇന്നലെ 18ന്‌ വെള്ളിയാഴ്ച രാവിലെ 9:30ന്‌ ദുബൈ മർകസിൽ നടന്നു. വിദഗ്ദരുടെ നേതൃത്വത്തിൽ നടക്കുന്ന ക്ലബിൽ ഭാഷാ പരിജ്ഞാനം ആഗ്രഹിക്കുന്നവർക്ക്‌ പങ്കെടുക്കാം.

വിവരങ്ങൾക്ക്‌: 042973999, 0561291760 17/06/2010

Thursday, June 17, 2010

എസ്‌ വൈ എസ്‌ സെമിനാർ ഇന്ന് അജ്മാനിൽ

'സ്നേഹ സമൂഹം സുരക്ഷിത നാട്‌'
എസ്‌ വൈ എസ്‌ സെമിനാർ
17 വ്യാഴം വൈകിട്ട്‌:7:30ന്‌
ഇന്ത്യൻ അസോസിയേഷൻ ഹാൾ-അജ്മാൻAdd Image
മുഖ്യ പ്രഭാഷണം: കൂറ്റമ്പാറ അബ്ദുറഹ്മാൻ ദാരിമി


>എസ്.വൈ.എസ്. സംസ്ഥാന കമ്മിറ്റി -കാമ്പയിൻ മെയ്-16-ആഗസ്ത് 15 < ലഘുലേഖ ഇവിടെ

Monday, May 17, 2010

ഭീകരത, തീവ്രവാദം :തെറ്റിദ്ധാരണകൾ തിരുത്തണം: ചെന്നിത്തല


ദോഹ: മനുഷ്യ കുലത്തിന്നാകമാനം ഭീഷണിയും ലോക സമാധാനത്തിന്‌ ആശങ്കയും സമ്മാനിച്ച്‌ ലോകത്ത്‌ വ്യാപിച്ചു കൊണ്ടിരിക്കുന്ന ഭീകര, തീവ്രവാദ ശക്തികളെ ഉന്മൂലനം ചെയ്യേണ്ടത്‌ കാലഘട്ടത്തിന്റെ ആവശ്യമാണെന്നും എല്ലാ ഭിന്നതകളും മറന്ന്‌ മാനവ സമൂഹം ഒന്നായി ഇതിനെതിരെ ശബ്ദിക്കേണ്ട സാഹചര്യം സൃഷ്ടിക്കണമെന്നും എന്നാൽ ഒറ്റപ്പെട്ട സംഭവങ്ങളെ പർവ്വതീകരിച്ച്‌ മുസ്ലിം സമുദായത്തെ ഭീകരതയുടെ ആലയിൽ തളക്കാനുള്ള സാമ്രാജ്യത്വ ശക്തികളുടെ ശ്രമങ്ങൾക്ക്‌ നമ്മുടെ രാജ്യവും ഭരണീയരും കൂട്ടുനിൽക്കരുതെന്നും ഒറ്റപ്പെട്ട സംഭവങ്ങൾക്ക്‌ അവ ആസൂത്രണം ചെയ്യുന്നവരുടെ അവിവേകമാണെന്നും അവരെ തിരുത്താൻ ശ്രമിക്കുകയാണ്‌ ചെയ്യേണ്ടതെന്നും പ്രവാസി രിസാലയുടെ കാമ്പയിൻ സമാപന, ആർ എസ്‌ സി ഖത്തർ ദേശീയ സമ്മേളനത്തിൽ മുഖ്യാഥിതിയായി സംബന്ധിച്ച്‌ കെ. പി. സി. സി പ്രസിഡണ്ട്‌ രമേശ്‌ ചെന്നിത്തല പ്രസ്താവിച്ചു.

തീവ്രവാദവും ഭീകരതയും അജ്ഞതയുടെ സൃഷ്ടിയാണ്‌. വായനയാണ്‌ മനുഷ്യനെ എല്ലാ അരുതായ്മകളിൽ നിന്നും അകറ്റി നിർത്തുന്നത്‌, ധാർമ്മിക ചേരുവകളാൽ സമ്പന്നമായ വായനയായിരുന്നു കഴിഞ്ഞ കാല മഹത്തുക്കളെ സൃഷ്ടിക്കുന്നതിൽ വലിയ പങ്കു വഹിച്ചതു.ശാസ്കാരിക പ്രതിരോധത്തിന്റെ നവ രൂപമായ വായനയിലൂടെ നമുക്ക്‌ നഷ്ടപ്പെട്ടു കൊണ്ടിരിക്കുന്ന പ്രതിരോധ ശക്തി പുനരുജ്ജീവിപ്പിക്കാൻ ശ്രമിക്കണമെന്നും അതിന്നായുള്ള പ്രവാസി രിസാലയുടെ ശ്രമങ്ങൾ ശ്ലാഘനീയമാണെന്നും അദ്ദേഹം പറഞ്ഞു. ഖത്തർ ചാരിറ്റി പബ്ലിക്‌ റിലേഷൻ ഡയറക്ടർ ശൈഖ്‌ ഖാലിദ്‌ അഹ്മദ്‌ ഫക്രു സമ്മേളനം ഉദ്ഘാടനം ചെയ്തു. വായന പ്രതിരോധത്തിന്റെ സാംസ്കാരിക മുഖം എന്ന പ്രമേയ പ്രഭാഷണം എസ്‌ എസ്‌ എഫ്‌ സംസ്ഥാന അദ്ധ്യക്ഷൻ സ്വാദിഖ്‌ സഖാഫി പെരിന്താറ്റിരി നടത്തി. മുഹമ്മദലി കുറ്റ്യാടി (ചെയർമാൻ ഗ്രാന്റ്‌ മാർട്ട്‌), ശംസുദ്ദീൻ ഒളകര (എം. ഡി. ക്വാളിറ്റി ഗ്രൂപ്പ്‌) സമ്മാന ദാനം നിർവ്വഹിച്ചു. പി. കെ അഹമ്മദ്‌ മുസ്ലിയാർ, മൊയ്തു ഫൈസി വേളം, കെ. എം. വർഗീസ്‌ (ഐ. സി. സി പ്രസിഡണ്ട്‌), ഡോക്ടർ ശമീർ മൂപ്പൻ (എം.ഡി. അൽറഫ പോളി ക്ലിനിക്ക്‌), കുഞ്ഞബ്ദുല്ല കടമേരി, കെ. കെ. ഉസ്മാൻ (ഇൻകാസ്‌), യൂസുഫ്‌ സഖാഫി അയ്യങ്കേരി, മുഹ്‌യദ്ധീൻ സഖാഫി പൊൻമള പ്രസംഗിച്ചു. ഹാഫിള്‌ ഉമറുൽ ഫാറൂഖ്‌ സഖാഫിയുടെ അദ്ധ്യക്ഷതയിൽ മഹ്ബൂബ്‌ ഇബ്രാഹീം മാട്ടൂൽ സ്വാഗതവും അഹമ്മദ്‌ സഖാഫി പേരാമ്പ്ര നന്ദിയും പറഞ്ഞു.

16/05/2010
basheer vadakut

മാധ്യമങ്ങളുടെ അഭിപ്രായ പ്രകടനങ്ങൾ അതിരു കടക്കുന്നു :ആർ എസ്‌ സി സംവാദം

ദോഹ: ജനാധിപത്യ പ്രക്രിയകളിൽ പങ്കുവഹിക്കുന്ന ഘടകമെന്ന നിലയിൽ മാധ്യമങ്ങളുടെ ഉത്തരവാദിത്വം വലുതാണെന്നും ജനാധിപത്യത്തിന്റെ നാലാം തൂണിന്ന്‌ അപചയം നേരിടുമ്പോൾ ശക്തമായി തിരുത്താനുള്ള ആർജ്ജവം സമൂഹം കാണിക്കണമെന്നും രിസാല സ്റ്റഡി സർക്കിൾ സംഘടിപ്പിച്ച "മാധ്യമ ന്യായങ്ങളിലെ അന്യായങ്ങൾ" എന്ന സംവാദം അഭിപ്രായപ്പെട്ടു. മനുഷ്യാവകാശ പ്രഖ്യാപനത്തിന്റെ അരികു പറ്റി പ്രവർത്തിക്കുന്ന മാധ്യമങ്ങൾ നടത്തുന്ന ഇടപെടലുകൾ പലപ്പോഴും അതിരു കടക്കുന്നു. വാർത്തകളും വിശകലനങ്ങളും നടത്തുന്നതിൽ തിടുക്കം കാട്ടുന്ന മാധ്യമങ്ങൾ പലപ്പോഴും നിരപരാധിളിൽ പരിക്കേൽപ്പിക്കുകയാണ്‌ ചെയ്യുന്നത്‌. സർവ്വ ദേശീയ മാധ്യമ തത്വങ്ങളാണ്‌ ഇതിലൂടെ ലംഘിക്കപ്പെടുന്നതെന്ന്‌ വിഷയാവതരണം നിർവ്വഹിച്ച്‌ എസ്‌ എസ്‌ എഫ്‌ സംസ്ഥാന അദ്ധ്യക്ഷൻ എൻ എം സ്വാദിഖ്‌ സഖാഫി പറഞ്ഞു. കുറ്റവാളികൾ ശിക്ഷിക്കപ്പെടാതിരുന്നാൽ പോലും നിരപരാധികൾ ശിക്ഷിക്കപ്പെടരുതെന്ന ഭരണഘടനാപരമായ തത്വം പുതിയ കാലത്തെ മാധ്യമ പ്രവർത്തനങ്ങളിലൂടെ ലംഘിക്കപ്പെടുന്നുവേന്നും അദ്ദേഹം പറഞ്ഞു.
എൻ എം സ്വാദിഖ്‌ സഖാഫി

മാധ്യമങ്ങൾ സമൂഹത്തിന്റെ അഭിപ്രായ രൂപീകരണത്തിൽ പങ്കാളികളാകുമ്പോൾ സമൂഹം മാധ്യമങ്ങളെ എങ്ങിനെ വിലയിരുത്തുന്നുവേന്ന്‌ കൂടി അറിയണമെന്ന്‌ സംവാദത്തിൽ പ്രസംഗിച്ച പെനിൻസുല ചീഫ്‌ സബ്‌ എഡിറ്റർ ഹുസൈൻ അഹ്മദ്‌ അഭിപ്രായപ്പെട്ടു. കോർപ്പറേറ്റ്‌ താൽപ്പര്യങ്ങൾക്ക്‌ മുൻതൂക്കം കൊടുക്കുന്ന മാധ്യമങ്ങളാണ്‌ മാധ്യമ മര്യാദകൾ ലംഘിക്കുന്നതെന്നും തിരുത്തൽ ശക്തികളായി സമൂഹം മുന്നോട്ട്‌ വരണമെന്നും അദ്ദേഹം പറഞ്ഞു. മാധ്യമങ്ങൾ ദുഷിക്കുന്നുവേങ്കിൽ ബ്ലോഗ്പോലുള്ള പുത്തൻ സാങ്കേതിക കലയിലൂടെ അതിനെ പ്രതിരോധിക്കാമെന്നും നിഷ്പക്ഷമെന്നത്‌ ഒരു പക്ഷവുമല്ലെന്നും എല്ലാവർക്കും അവരുടേതായ പക്ഷം ഉണ്ടെന്നും ഇന്ത്യൻ മീഡിയാ ഫോറം പ്രസിഡണ്ട്‌ അശ്‌റഫ്‌ തൂണേരി പറഞ്ഞു. സംവാദത്തിൽ കോയ കൊണ്ടോട്ടി (കെ എം സി സി) എം.ടി നിലമ്പൂർ എന്നിവർ പ്രസംഗിച്ചു.

അശ്‌റഫ്‌ തൂണേരി
ആർ എസ്‌ സി ചെയർമാൻ ഹാഫിള്‌ ഉമറുൽ ഫാറൂഖ്‌ സഖാഫിയുടെ അദ്ധ്യക്ഷതയിൽ നടന്ന സംവാദത്തിൽ മഹ്ബൂബ്‌ ഇബ്രാഹീം മാട്ടൂൽ സ്വാഗതവും നൗഷാദ്‌ അതിരുമട നന്ദിയും പറഞ്ഞു. 16/05/2010

Sunday, May 16, 2010

എസ്.വൈ.എസ്. യുഎഇ നാഷണൽ ഡെലിഗേറ്റ്സ് മീറ്റ്

ദുബൈ മർകസിൽ ചേർന്ന എസ്.വൈ.എസ് . യു.എ.ഇ. നാഷണൽ ഡെലിഗേറ്റ്സ് മീറ്റിൽ വിവിധ എമിറേറ്റുകളിൽ നിന്നായി പ്രത്യേകം ക്ഷണിക്കപ്പെട്ട ഇരുന്നോറോളം പ്രതിനിധികൾ പങ്കെടുത്തു. ദുബൈ മർകസിന്റെ പുതിയ ആസ്ഥന മന്ദിരത്തിലെ കോൺഫറൻസ് ഹാളിൽ നടന്ന സംഗമത്തിൽ പി.കെ.എം. സഖാഫി ഇരിങ്ങല്ലൂർ പ്രഭാഷണം നടത്തി. ‘റോഡ് റ്റു സക്‌സസ്’ എന്ന ടൈറ്റിലിൽ സ്ലൈഡ് പ്രദർശനത്തോട് കൂടി പ്രൊഫ.ഷാജു ജമാലുദ്ദീൻ നയിച്ച ഇൻന്ററാക്ഷൻ ക്ലാസും ഉണ്ടായിരുന്നു.

പി.കെ.എം.സഖാഫി ഇരിങ്ങല്ലൂർ


പ്രൊഫ.ഷാജു ജമാലുദ്ദീൻ


സദസ്സ് ഒരു വീക്ഷണം


14-05-2010 വെള്ളിയാഴ്ച ജുമുഅക്ക് ശേഷം നടന്ന സംഗമം മഗ്‌രിബ് നിസ്കാരത്തോടെ സമാപിച്ചു. എസ്.വൈ.എസ്. യു.എ.ഇ നാഷണൽ കമ്മിറ്റി പ്രസിഡണ്ട് എ.കെ. കട്ടിപ്പാറ അദ്യക്ഷത വഹിച്ച സംഗമത്തിൽ ജന.സെക്രട്ടറി പ്രൊഫ. യു.സി. അബ്ദുൽ മജീദ് സ്വാഗതവും , അബ്ദുല്ല സഖാഫി കട്ടയാട് നന്ദിയും പറഞ്ഞു.


ഗ്രൂപ്പ് ഡിസ്കഷൻ

Wednesday, May 12, 2010

വേണം മീഡിയാ നിയന്ത്രണ നിയമം: RSC മാധ്യമ സംവാദം


ഇസ്ലാമിക്‌ പബ്ലിഷിങ്ങ്‌ ബ്യൂറോ ഡയരക്ടർ മുഹമ്മദ്‌ സ്വാദിക്ക്‌ വെളിമുക്ക്‌

കുവൈത്ത്‌: സേൻസേഷണിസവും കിടമത്സരവും കച്ചവട താത്പര്യവും വാർത്താ മാധ്യമങ്ങളെ അധാർമ്മികതയുടെ കൂത്തരങ്ങാക്കി മാറ്റിയിരിക്കുന്നു വേന്ന്‌ രിസാല സ്റ്റഡി സർക്കിൾ കുവൈത്ത്‌ ചാപ്റ്റർ സംഘടിപ്പിച്ച മാധ്യമ സംവാദത്തിൽ പങ്കെടുത്തവർ അഭിപ്രായപ്പെട്ടു. നേരിന്റെ അംശം പ്പോലും ഇല്ല എന്ന്‌ പരിപൂർണ്ണ ബോധ്യമുള്ളപ്പോഴും സമൂഹത്തിൽ ഛിദ്രതയും വ്യക്തികൾക്ക്‌ മാനഹാനിയും ഉണ്ടാക്കുന്ന വാർത്തകളും സ്റ്റോറികളും പടച്ച്‌ വിടുന്നതിൽ മീഡിയകൾ മത്സരിക്കുകയാണ്‌. നാടിന്റെ മഹനീയ പാരമ്പര്യത്തേയും മതേതരമൂല്യങ്ങളേയും നശിപ്പിക്കാനും അവിശ്വാസത്തിന്റെ വിഷ വിത്തുകൾ വിതക്കാനും ഈ മത്സരം കാരണമാവുന്നു. വിഷയം ഭീകരതയാവെട്ടെ, കൊലപാതകമാവട്ടെ, രാഷ്ട്രിയമാവട്ടെ, ഭൂരിപക്ഷ വിഭാഗങ്ങളെ ത്യപ്തിപ്പെടുത്തുന്ന വിധത്തിൽ അവ അവതരിപ്പിക്കാനും തങ്ങളുടെ സർക്കുലേഷനും വരുമാനവും അതുവഴി വർദ്ധിപ്പിക്കാനുമാണ്‌ മീഡിയകൾ ലക്ഷ്യമാക്കുന്നത്‌.

സമൂഹത്തിന്‌ യധാർത്ഥ വസ്തുത അറിയിച്ചു കെടിക്കാനും അവരെ ബോധവത്കരിക്കാനും ബാധ്യസ്ഥരായ മീഡിയ തീർത്തും വിരുദ്ധ ദിശയിലൂടെ നീങ്ങുകയും ധാർമികതക്കും സാമൂഹ്യ നന്മക്ക് ഒട്ടും വിലകൽപ്പിക്കാതെ കേവലം കച്ചവടക്കാർ മാത്രമാവുകയും ചെയ്തിരിക്കുന്ന വർത്തമാന പ്രതി സന്ധി നേരിടാൻ ബദൽ മീഡിയാ ശക്തികളെ ഉയർത്തികൊണ്ടു വരാനും അധാർമിക പ്രചാരക മീഡിയ ശക്തികളെ അറിഞ്ഞ്‌ പ്രതിരോധിക്കാനും സമൂഹം തയ്യാറാവേണ്ടിയിരിക്കുന്നു, ചർച്ച അവതരിപ്പിച്ചു കൊണ്ട്‌ ഇസ്ലാമിക്‌ പബ്ലിഷിങ്ങ്‌ ബ്യൂറോ ഡയരക്ടർ മുഹമ്മദ്‌ സ്വാദിക്ക്‌ വെളിമുക്ക്‌ പ്രസ്താവിച്ചു. തുടർന്ന്‌ ചർച്ചയിലിടപെട്ടു സംസാരിച്ച മുതിർന്ന മാധ്യമ പ്രവർത്തകനായ സിദ്ദേ‍ീഖ്‌ വലിയകത്ത്‌, ആധുനിക മീഡിയ ഒരു കച്ചവട സ്ഥാപനമായതിനാൽ അവർ കൂടുതൽ ലാഭം കിട്ടുന്ന ഉൽപന്നങ്ങൾക്ക്‌ മുൻഗണന നൽകും. ഉപഭോക്താക്കളായ നാം ബോധവാൻമരാവുകയാണ്‌ ഇവിടെ പ്രതിവിധിയെന്ന്‌ അഭിപ്രായപെട്ടു. മാധ്യമങ്ങളെ കണ്ണടച്ചു വിശ്വസിക്കുന്നതിനു പകരം നാം സ്വയം തിരിച്ചറിവുണ്ടാവാൻ ശ്രമിക്കുകയും ആ തിരിച്ചറിവിന്റെ ബലത്തിൽ മാധ്യമങ്ങളെ വിലയിരുത്തുകയും ചെയ്താൽ ഒരളവുവരെ സ്വയം ചതിയിലകപ്പെടുന്നത്‌ ഒഴിവാക്കാം മാധ്യമങ്ങളിൽ നിന്ന്‌ ധാർമികത പ്രതീഷികേണ്ടതില്ല. എന്നാൽ മാധ്യമ സ്വാതന്ത്ര്യത്തെ നിയന്ത്രിക്കുന്നത്‌ സ്വീകാര്യവുമല്ല മുഹമ്മദ്‌ റായാസ്‌ (അയനം) നയം വ്യക്തമാക്കി.

മുഹമ്മദ്‌ റായാസ്‌ (അയനം)


ബഹു രാഷ്ട്ര കുത്തകരായ മീഡിയാ ഭീമൻമാർക്കിടയിൽ ഇടതു-മതേതര-സാമ്യാജ്യത്വ വിരുദ്ധ ചേരി, മീഡിയാ രംഗത്തും ശക്തി പ്രാപിക്കുകയാണ്‌ വർത്തമാന പ്രതിസന്ധിക്ക്‌ പരിഹാരമെന്നായിരിന്നു ദേശാഭിമാനിയുടെ സാം പൈനുമൂട്‌ അഭിപ്രായപ്പെട്ടത്‌. സമൂഹത്തിലെ എല്ലാ വിഭാഗവും ധാർമികതയും നീതിയും പുലർത്തിയാലല്ലാതെ സുഗമമായ സാമൂഹ്യ ജീവിതം സാധ്യമാവില്ല. അതു കൊണ്ട്‌ തന്നെ സാമൂഹ്യ ശാസത്രത്തിന്റെ ഭാഗമായ മീഡിയക്കും അതിൽ നിന്ന്‌ ഒഴിഞ്ഞ്‌ നിൽക്കാൻ സാധ്യമല്ല. സ്വാതന്ത്ര്യം സമൂഹ നന്മയ്ക്ക്‌ എതിരായി ഉപയോഗിക്കുന്നുവേങ്കിൽ അതിനെ തടയൽ സാമൂഹ്യ ബാധ്യതയാണ്‌. നിയന്ത്രണ വിധേയമല്ലാത്ത ഒന്നും സാമൂഹ്യ നന്മക്ക്‌ അനുഗുണമാവില്ല എന്ന പൊതുതത്വം ഉൾക്കൊണ്ട്‌ മീഡിയാരംഗത്തെ ഗുണപരമായ രീതിയിൽ നിയന്ത്രിക്കാൻ കർശന നിയമ നിർമ്മാണം അനിവാര്യമാണ്‌. വിവരവകാശ നിയമത്തെ മാത്യകയാക്കി വാർത്തയുടെ സ്രോതസ്സ്‌ അറിയിക്കാൻ സാധ്യമാവുന്ന നിയമം മാത്രമാണ്‌ മീഡിയാ ധാർമികവത്കരണത്തിനുള്ള പോം വഴി. ചർച്ചകൾക്ക്‌ മറുപടി പറഞ്ഞു കൊണ്ട്‌ അബദുല്ലവടകര പ്രസ്താപിച്ചു. അബ്ദുൽ സത്താർ തയ്യിൽ, സാത്താർ കുന്നിൽ, അഹ്മദ്‌ കെ മാണിയൂർ എന്നിവരും ചർച്ചയിൽ പങ്കെടുത്തു അബ്ദുൽ ഹകീം ദാരിമി പ്രാർത്ഥന നടത്തി ആർഎസ്‌ സി കൺവീനർ ശുഐബ്മുട്ടം സ്വാഗതം പറഞ്ഞു. 10/05/2010

സദസ്സ്

www.ssfmalappuramc.om