Saturday, September 27, 2008

പരസ്പരം വിട്ടു വീഴ്ച ചെയ്യാന്‍ പഠിക്കുക; പേരോട്‌


‌മനുഷ്യര്‍ പരസ്പരം വിട്ടു വീഴ്ചാ മനോഭാവം വളര്‍ത്തിയെടുത്ത്‌ അപരന്റെ തെറ്റുകള്‍ പൊറുത്ത്‌ കൊടുത്ത്‌ ജീവിക്കാന്‍ ശ്രമിയ്ക്കണമെന്ന്‌ പേരോട്‌ അബ്‌ദു റഹ്‌മാന്‍ സഖാഫി പറഞ്ഞു. ന്യൂ മുസ്വഫ നാഷണല്‍ ക്യാമ്പിനടുത്തുള്ള മസ്ജിദില്‍ പത്ത്‌ വര്‍ഷമായി എല്ലാ വ്യാഴാഴ്ച രാതികളിലും ഇശാ നിസ്കാര ശേഷം നടന്ന്‌ വരുന്ന സ്വലാത്ത്‌ മജ്‌ലിസിന്റെ ദശ വാര്‍ഷിക സമ്മേളനത്തില്‍ മുഖ്യ പ്രഭാഷണം നടത്തുകയായിരുന്നു അദ്ധേഹം.

നാം നമ്മുടെ സഹ ജീവികളോടെ വൈരാഗ്യത്തോടെ വര്‍ത്തിക്കുകയും അവരില്‍ നിന്ന്‌ വരുന്ന ചറിയ തെറ്റുകള്‍ പോലും മാപ്പ്‌ നല്‍കാന്‍ തയ്യാറില്ലാതിരിക്കയും അതേ സമയം നാം ചെയ്യുന്ന എല്ലാ പാപങ്ങളും പൊറുത്ത്‌ തരാന്‍ അല്ലാഹുവിനോട്‌ പ്രാര്‍ത്ഥിക്കുകയും ചെയ്യുന്നു. ഇത്‌ വിരോധാഭാസമാണ്‌. നാം വിട്ടു വീഴ്ച ചെയ്യുമ്പോള്‍ അല്ലാഹുവും വിട്ടു വീഴ്ച ചെയ്യും. നാം ചെയ്ത്‌ കൊടുത്ത ഉപകാരങ്ങളും , നമുക്കെതിരെ ആരെങ്കിലും ചെയ്ത തെറ്റുകളും ഒരാള്‍ മറക്കുകയും, നാം ചെയ്ത തെറ്റുകളും നമുക്ക്‌ മറ്റുള്ളവര്‍ ചെയ്ത്‌ തന്ന ഉപകാരങ്ങളും ഓര്‍ക്കുകയും ചെയ്യുക എന്നത്‌ ജീവിത വിജയത്തിലേക്കുള്ള എളുപ്പമാര്‍ഗമാണ്‌'. വിശാസികള്‍ അനാവശ്യ സംസാരങ്ങളില്‍ നിന്ന്‌ നോമ്പ്‌ കാലത്തും അല്ലാത്തപ്പോഴും വിട്ടു നില്‍ക്കണമെന്നു പേരോട്‌ സഖാഫി ഓര്‍മ്മിപ്പിച്ചു.

മുസ്വഫയിലെ വിവിധ ഏരിയകളില്‍ നിന്ന്‌ നൂറുകണക്കിനാളുകള്‍ പങ്കെടുത്ത സംഗമത്തില്‍ അബ്‌ദൂല്‍ ഹമീദ്‌ സഅദി ഈശ്വര മഗലം അധ്യക്ഷത വഹിച്ചു.

Monday, September 22, 2008

സ്വലാത്ത്‌ മജ്‌ ലിസ്‌ -ദശവാര്‍ഷികം & സമൂഹ നോമ്പ്‌ തുറ

എല്ലാ വ്യഴാഴ്ച രാത്രികളിലും ഇശാ നിസ്കാരാനന്തരം നടന്നു വരുന്ന സ്വലാത്ത്‌ മജ്‌ ലിസിന്റെ പത്താം വാര്‍ഷിക സമ്മേളനവും ദുആ മജ്‌ലിസും ന്യൂ മുസ്വഫ നാഷണല്‍ ക്യാമ്പിനു സമീപമുള്ള പള്ളിയില്‍ 25-09-2008 വ്യാഴം, തറാവീഹിനു ശേഷം

ബഹു. പേരോട്‌ അബ്‌ദുറഹ്‌മാന്‍ സഖാഫി മുഖ്യ പ്രഭാഷണം നടത്തുന്നതാണ്

26-09-2008 വെള്ളിയാഴ്ച സമൂഹ നോമ്പ്‌ തുറ ഉണ്ടായിരിക്കുന്നതാണ്

Saturday, September 20, 2008

രിസാല കാലിക പ്രസക്തം : കെ.ഇ.എന്‍

ദോഹ : രിസാല വാരിക കാലിക പ്രസക്തമെന്നു പ്രമുഖചിന്തകനും എഴുത്തുകാരനുമായ കെ.ഇ.എന്‍ കുഞ്ഞിമുഹമ്മദ്‌ പറഞ്ഞു. രിസാലയില്‍ പ്രസിദ്ധീകരിക്കുന്ന ഓരോ ലേഖനങ്ങളും ഇന്ന്‌ കേരളം സജീവമായി ചര്‍ച്ചചെയ്യുന്നതായി അദ്ദേഹം പറഞ്ഞു. ഇതാണ്‌ മറ്റു പസിദ്ധീകരണങ്ങളില്‍ നിന്ന്‌ രിസാലയെ വേറിട്ട്‌ നിര്‍ത്തുന്നത്‌. രിസാല സ്റ്റഡി സര്‍ക്കിള്‍ നേതാക്കളുമായുള്ള കൂടിക്കാഴ്ച്ചയിലാണ്‌ കെ.ഇ.എന്‍ ഇങ്ങനെ പ്രതികരിച്ചത്‌. പാഠപുസ്തകം കേരളത്തില്‍ വിവാദമായപ്പോള്‍ അതിനെ കുറിച്ച്‌ യഥാര്‍ത്ഥ രീതിയില്‍ ലേഖനം എഴുതി പ്രസിദ്ധീകരിച്ചത്‌ അദ്ദേഹം എടുത്തുപറഞ്ഞു. കെ.ഇ.എന്‍ കുഞ്ഞിമുഹമ്മദുമായുള്ള കൂടിക്കാഴ്ച്ചയില്‍ മുഹമ്മദ്‌ വാഴക്കാട്‌, നൗഷാദ്‌ അതിരുമട, ഫഖ്‌റുദ്ധീന്‍ പെരിങ്ങോട്ടുകര, സിദ്ദീഖ്‌ കരിങ്കപ്പാറ തുടങ്ങിയവര്‍ പങ്കടുത്തു.