ആർ എസ്‌ സി ബുക്ടെസ്റ്റ്‌: യു എ ഇ യിൽ 92 കേന്ദ്രങ്ങൾ

ദുബൈ: മീലാദ്‌ കാമ്പയിനോടനുബന്ധിച്ച്‌ ഗൾഫ്‌ മലയാളികൾക്കായി രിസാല സ്റ്റഡി സർക്കിൾ (ആർ എസ്‌ സി) ഗൾഫ്‌ ചാപ്റ്റർ ജി സി സി തലത്തിൽ സംഘടിപ്പിക്കുന്ന നാലാമത്‌ ബുക്ടെസ്റ്റിന്‌ യു.എ. യിൽ 92 കേന്ദ്രങ്ങൾ. മാർച്ച്‌ 25ന്‌ ഗൾഫ്‌ രാജ്യങ്ങളിലെ 250 കേന്ദ്രങ്ങളിലാണ്‌ പരീക്ഷ നടക്കുന്നത്‌. പ്രവാസി രിസാല മദീന പതിപ്പ്‌ അടിസ്ഥാനമാക്കിയാണ്‌ പരീക്ഷ. സഊദി അറേബ്യ, യു എ ഇ, ഖത്തർ, കുവൈത്ത്‌, ഒമാൻ, ബഹ്‌റൈൻ എന്നീ രാജ്യങ്ങളിലുള്ളവർക്ക്‌ പങ്കെടുക്കാം. ഒരു മണിക്കൂർ സമയമാണ്‌ എഴുത്തുപരീക്ഷ. മാർച്ച്‌ 20 വരെ രജിസ്ട്രേഷന്‌ അവസരം ലഭിക്കും. ഓരോ രാജ്യങ്ങളിലും നാഷണൽ-സോൺ എക്സാം ചീഫുമാരും സെന്റർ കോ ഓർഡിനേറ്റർമാരും പ്രവർത്തിക്കും. ആർ എസ്‌ സി പ്രവർത്തകർ നേരിട്ടു സമീപിച്ചാണ്‌ പരീക്ഷാർഥികളെ ക​‍െ ത്തുക. ഓൺലൈൻ വഴിയും (www.risalaonline.com) രജിസ്ട്രേഷനു സൗകര്യമൊരുക്കിയിട്ടുണ്ട്‌ സ്ത്രീകൾക്ക്‌ പരീക്ഷ എഴുതാൻ പ്രത്യേക കേന്ദങ്ങൾ തയ്യാറാക്കിയിട്ടുണ്ട്‌. ഏപ്രിൽ ഒന്നിനു രിസാല ഓൺലൈനിൽ ഫലം പ്രസിദ്ധപ്പെടുത്തും. പരീക്ഷയിൽ മികച്ച വിജയം നേടുന്നവർക്ക്‌ ജി സി സി, നാഷണൽ, സോൺ തലങ്ങളിൽ സമ്മാനങ്ങൾ നൽകും. ബുക്ടെസ്റ്റ്‌ സംബന്ധമായ അന്വേഷണങ്ങൾക്ക്‌ 055 60 21664. ഇ മെയിൽ: ​rscbooktest@gmail.com